Purani Kashti Ko Paar Lekar – Kumar Vishwas

boat

Puraani kashti ko paar lekar, fakat hamaara hunar gaya hai
Naye khewaiye kahin na samjhein, nadi ka paani utar gaya hai

Tum hoshmandi ke oonche daawe, kissie munaasib jagah pe karte
Ye maikda hai yahan se koi, kahin gaya bekhabar gaya hai

Na khwaab baaki hain manzilon ke, na jaankaari hai rahgujar ki
Fakir-man to bulandiyon ke shikhar pe jaakar thahar gaya hai

Hua tajurba yahi safar mein, woh rail ka ho ke zindagi ka
Agar mila bhi haseen manzar, palak jhapakte gujar gaya hai

Udaas chehre ki jhurriyon ko, barasti aankhein bata rahi thi
Hamaare sapnon ko sach banaane, jigar ka tukda shahar gaya hai

‘Uday’ ke baare mein kuchh na poochho, purani masti abhi jawa hai
Ki bazm-e-yaara mein sab gujaari, pata nahin ab kidhar gaya hai

Search Terms:

Related posts:

Share Your Comment...